Dos nomes claves de les xeneraciones del surdimientu

El nuevu académicu nació en L'Entregu en 1978, ye llicenciáu en Filoloxía Hispánica y especialista en Filoloxía Asturiana. Autor billingüe, ye un de los nomes más profílicos y versátiles de les nuestres lletres. Tien algamao una bona retafila de premios como'l Xosefa Xovellanos de novela –per dos vegaes–, el Teodoro Cuesta de poesía, l'Asturies Xoven o los premios de teatru y creación lliteraria de l'Academia de la Llingua. En narrativa tien publicao 'L'arna de San Atanás', 'Ente semeyances', 'Les vueltes, toles vueltes' y 'Los paraísos perdíos'. Como poeta ye autor de los volúmenes 'Aires de mudanza', 'Nel dialectu del grisú', 'Tiempu d'esiliu y povisa ayeno' y 'Los desconocedores del agua'. Tien escrito tamién tres obres de teatru: 'Martema', 'Historia d'una guerra, retratu d'unes culpes' y 'Orbaya'.

Al so llau, Sánchez Vicente va acoyer na so figura el premiu a una trayectoria de cásique mediu sieglu consagrada a la escritura y a la normalización de la llingua asturiana.