

Secciones
Servicios
Destacamos
pablo antón marín estrada
Martes, 28 de septiembre 2021, 02:45
Gonzalo G. Barreñada (Sotrondiu, 1973) acaba publicar 'La hestoria ensin contar' (Trabe), una novela qu'afonda nel universu imaxinariu creáu n'anteriores llibros suyos. L'escritor fálanos d'ella.
-¿Qué narra en 'La hestoria ensin contar'?
-Ye la mio segunda novela. Desarróllase en Burgundu, un llugar inspiráu no que ye la cuenca minera deformada un puquiñín pola mio imaxinación. Cuenta la historia d'un neñu de la postguerra que va quedar solu por munches coses que va sentir que nun-y lleguen como a otra persona.
-¿Una crónica de la soledá?
-En realidá fala de que les coses nunca son blanques nin negres porque nunca conocemos los detalles de lo que lleva a dalguién a facer esto o lo otro, como-y pasa a esti neñu .Nun termino d'esplicar por qué queda solu, interésame muncho esto. Dixéronme una vez que dexo munchos cabos sueltos y ye qu'a mi parezme que nun hai historia que nun deba tener cabos sueltos, digo siempre que la vida ye más como una película de David Lynch que de Spielberg.
-¿Qué venceyu tien coles otres narraciones suyes?
-'La casa de Xuan Buelga' y 'Histories de Burgundu' tan relacionaos porque pasen nel mesmu llugar. No que s'asemeya ye qu'hai una llinia temporal ente ellos, la intención ye formar un universu con toos esos personaxes, un poco como fexo Balzac coles sos noveles, aunque nun se si voi llegar a eso. La forma y el xéneru ye'l mesmu lo único que cambia ye la historia.
-¿Lo suyo ye'l realismu máxicu?
-Nun soi mui amigu d'etiquetes pero llueu lleendo les característiques del realismu máxicu resulta que lo que faigo coincide, anque a mi prestaríame más por exemplu la comparación colos cuentos tradicionales de los hermanos Grimm o los que recoyó Aurelio del Llano, la rana y la culebrina y eses coses. La tradición oral sí me interesa muncho. Nesi casu tenemos al nenu que queda mudu, nun sabe lleer y tampoco-y lleguen les coses como-y llegaríen normalmente, per ehí va el títulu: queden coses sin saber, él nun sabe, tampoco nadie sabe tolo que pasa na realidá.
-¿Son distintes les motivaciones que lu lleven a escribir poesía o narrativa?
-La prosa puedes escribilo tolos díes, a veces sal, pero un poema non siempre. Considérome más narrador que poeta, al pesar de los tres llibros de versos que tengo y supongo qu'anivel de ritmu y eses coses, sin querelo yo, llevélo en dalgunos aspectos a la prosa. La poesía nel mio casu trata de la realidá y la narrativa el sitiu que dexo pa la ficción.
-¿Cuála ye la so impresión de lo que se fai nesti últimu xeneru agora?
-Lo fantástico ye un mundu a desarrollar. Hai una xeneracion nueva que puede facer obres mui interesantes, ta esta moza, Blanca Fernández que tien coses mui guapes o Sidoro Villa, nun ye que seya un mozu, pero tamién me presta muncho. Yo creo que si hai futuru.
-¿La busca de llectores ye l'asignatura pendiente?
-Ye un llabor qu'hai que dir algamando pasu ente pasu, llegando a la xente, y creo que si se va poco a poco faciendo un bon trabayu, sacando llibros interesantes, podemos ser optimistas. Iniciatives como la d'Autores nel Camín llectures, parezme mui bona. Hai que tener paciencia y siguir p'alantre.
-¿De la mano de la oficialidá?
-Pienso que va servir pa que la llingua asturiana llegue a más xente, más sitios, medios y que se reconoza como merez. Neso tamién soi optimista, hai que selo.
Publicidad
Publicidad
Te puede interesar
Publicidad
Publicidad
Recomendaciones para ti
Favoritos de los suscriptores
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.