Un repasu a lo meyor de Adolfo Camilo Díaz

Merez la pena repasar 'Skull city y otres histories', l'antoloxía d'Adolfo Camilo Díaz que espubliza Trabe, fecha pol propiu autor, que recueye una refilera testos de factura distinta escritos n'estremaes époques, unos yá publicaos, otros inéditos. Títulu que-y valió el Premiu de la Crítica d'Asturires en 2021 na estaya de Narrativa. Ente novelines, microrelatos y cuentos, fala de amor, maltratu, mina, guerra civil, sexu, fantasía, aventura, zombis... Y tres de too ello, la mirada crítica del autor y la reflexión sobre'l ser humanu y la so organización social. Dolfo Camilo Díaz (Caborana, Ayer, 1963) ye historiador, xestor cultural y ún de los escritores más polifacéticos y prolíficos de les lletres asturianes, lo mesmu como narrador, que como ensayista y dramaturgu.