Merdre
ISMAEL MARÍA GONZÁLEZ ARIAS
Viernes, 12 de enero 2024, 12:28
Secciones
Servicios
Destacamos
ISMAEL MARÍA GONZÁLEZ ARIAS
Viernes, 12 de enero 2024, 12:28
Mieres ye un llugar que nun me dexa de sorprender. Cuidaba que yá viera de too. Pero lo d'esti añu nuevu, supéralo. El chigre que tengo delantre lleva más d'una Década abiertu. Igual por eso se llama como se llama. Cuéntovos. Son les doce del mediodía. Toi dando la vuelta col perru. Toi a una manzana de casa. El chigre abre de madrugada. La hora del cierre nun la sé. A les doce que pasaba per delantre, taba la música a tope. Siempre que veo a clientes conocíos, saludo. Tol mundo conoz a lo meyor de cada casa. Nesta ocasión volví comprobalo. Abrió la puerta de güelpe. A bálagos, una guaja de tacones cruza hasta enfrente, baxa les bragues, abre les piernes, queda enclicada y ponse a cagar. Hasta'l perru s'asusta. Dos amigues que salen detrás d'ella garren los abrigos y faen lo posible por tapar la escena. Pero tien poco que tapar. Al final, el pastel ye'l pastel. La culpa acabarán echándo-yla a un perru.
Tamos nel centru Mieres. Esto sigue siendo la Cai'l Viciu. El bar Mineru, al que-y cantó Anabel Santiago, taba un poco más allá. Nun hubo droga que nun se consumiera nél. Un poco más allá, La Terraza. Baxo'l retratu de Primo de Rivera y Girón de Velasco fundóse más d'un partíu d'estrema isquierda. A dos pasos más arriba taba'l Mausoleo. Como'l so nome indica, un mausoléu, como'l valle de los cayíos, onde los fachas aprendíen a dar hosties alentaos pol dueñu. A la vera, cuatro sitios baxo una Cúpula. Nun inventaron el garrafón, pero fueron los sos principales valedores. Arriba'l too, La Campa yera puticlú de nueche y bar de pinchos pa estudiantes de día. Dalgo más abaxo, la gauche divine fumaba rubio nel sótanu del Garden's, ente cuadros d'Úrculo. Cásique enfrente, los Beatles tomaben cacharros en vasu finu nel Capri. Nel Nápoles falábase alemán. Nel Yaracuy, falábase pijo. En medio de too, un antru que se llamaba Il Gattopardo, n'italianu. La silicosis que nun dio la mina, dióla esti chigre. Años depués, echó-y una mano La Buraka.
Y bien de más hestories. Que, en xunto, cuenten la hestoria de Mieres. Hasta llegar a la mierda d'esti añu nuevu. Esti cagayón ye un borrón y cuenta nueva. Val más cagayón de borricu que padrenuestru d'obispu. Nunca supe a qué venía esti dichu. Yá nun sé qué pensar. Nun sé si ye mester pensar dalgo. Yá nun sedrá más Mieres del Camín. Podrá ser Mierdes del Camín. Madre Ubú sal del chigre, vuelve a cruzar enfrente y, como na obra de teatru d'Alfred Jarry, grita en francés: ¡Merdre!
Publicidad
Publicidad
Te puede interesar
Una moto de competición 'made in UC'
El Diario Montañés
Publicidad
Publicidad
Recomendaciones para ti
Favoritos de los suscriptores
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.