Secciones
Servicios
Destacamos
ISMAEL GONZÁLEZ ARIAS
Viernes, 22 de marzo 2024, 01:00
Vengo del sur, onde les Pascues parecen ser otra cosa. Al final, la memoria de les coses escuéndese na llingua. La Selmana Santa suénanos a andaluz, a castellano… pero les nuestres frases feches remiten bien de vueltes a ella. Frases que, en bien de casos, ... tamién esisten variantes en catalán, castellanu o portugués. En un ratu acabo atropar cincuenta. Tampoco ensin matame enforma. Pero cuido que con cincuenta s'entienda la descomanada influencia de la relixón y la semana santa na nuestra llingua.
Les diez más corrientes: Llorar como una Madalena; Meter el déu na llaga; Llavar les manes; Otru gallu cantaría; La procesión va per dientro; Velo pa créelo (como santu Tomás); Negar tres veces (como san Pedru); Armar un ciriu (montar una engarradiella gorda); Dexar de la mano de Dios; Cargar col pesu la culpa.
Guapes como pa insultar: Ser tontu de capirote; Ser un Xudes; Ser más falsu que Xudes; Facer una barrabasada (un disparate bien gordu, a lo Barrabás); Dar la matraca (insistir hasta cansar); Dir d'Herodes a Pilatos (de mal en peor, pan un solucionar nada); Traer pela cai l'amargura (que ye como se llama en Xerusalén la vía Dolorosa y en Madrid una cai cerca de la plaza Mayor); Tar como una carraca; Tener más cuayu que Pilatos (tener tranquilidá a preba d'espantos).
Relacionaes col tiempu: Más llargo qu'una Cuaresma; De Pascues a Ramos; En menos que canta un gallu; El día de Pilatos (Xueves Santu); El día de les carraques (Xueves Santu); Partir la vieya (llegar a la metá de la Cuaresma); La última Cuaresma (per Santa Ana); Pela Cincuesma (Pentecostés).
La cruz vese que ye'l símbolu por escelencia: Facese cruces; Cada quién lleva la so cruz (cada quién tien lo propio); ¡Qué cruz!; Ser una cruz (cuando dalguién nos molesta enforma); Pone-y a ún la cruz (tene-y manía o despreciar a dalguién); Andar cola cruz a cuestes; Cargar cola cruz; ¡Cruz y raya! (nun se fale más, cortamos relaciones); ¡Menudu viacrucis!; Sudar sangre; Tar fechu un ecce homo; Dir como un nazarenu; Tar pasando un calvariu; Pa más inri.
Cristu tamién tien les sos referencies: ¡Polos clavos de Cristu!; Tar fechu un Cristu; Armar la de Dios ye Cristu (cuando toos la monten a gritos y nun s'entienden ente ellos); Poner como un Cristu (tar descalabráu, mancáu enteru).
Como tamién les referencies a Pascua: Tar más contentu qu'unes Pascues; Face-y la Pascua (sinónimu de putear a dalguién); Quedar como una Pascua (tou gayasperu); Facer Pascua enantes de Ramos (tener un fíu de soltera); ¡Y santes Pascues! (p'acabar, perfecta).
¿Ya eres suscriptor/a? Inicia sesión
Publicidad
Publicidad
Te puede interesar
Publicidad
Publicidad
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.