Anuariu de la música asturiana

P. A. M. E. Fiel a la so cita cada xineru, acaba publicase l'Anuariu de la Música Asturiana 2020. Nél destaca'l reportaxe tituláu 'Crónica d'una pandemia', l'informe 'Consumu dixital'; dos artículos sobre'l centenariu del 'Cancionero Musical de la Lírica Popular ... Asturiana' d'Eduardo Martínez Torner, les páxines especiales dedicaes a facer alcordanza de Celestina Ca Sanchu; o entrevistes al xixonés Fruela 757, Muyeres y Lisardo Lombardía, amás de reportaxes fotográficos, artículos d'opinión, crítiques y cróniques. L'Anuariu zárrase cola sección Collecha, onde apaecen les producciones discográfiques del 2020. Compleméntase con un discu onde se recueyen muestres de lo meyor qu'ufiertó l'añu.