'Amosando' saca la música de casa

P. A. M. E. La plataforma dixital 'musicasturiana.com' escomenzó esti pasáu 7 de febreru la emisión a traviés de les sos canales del ciclu 'Amosando' y que va ufiertar presentaciones de discos d'una trentena de grupos y artistes del país. Nomes como los ... de L-R, Xaime Martínez, Ún de Grao, D'Urria, Anabel Santiago y Eva Tejedor & Les Pandereteres, Cerezal, Silvia Quesada, Felpeyu, Fruela 757, Bestiariu (con Alicia Álvarez y David Varela) y Misiva, dan forma a estes actuaciones que van retresmitise tolos domingos a les 21.30 hores. La escoyeta de los protagonistes de los programes amuesa el bon momentu de la escena musical asturiana y la so diversidá. El proyectu surdió en marzu de 2019 con un formatu ente conciertu acústicu con aforu reducíu, programa de televisión y alderique. La realización audiovisual cuerre a cargu de Javi Lueje, cola collaboración de Goxe Producciones, y cuenta col patrociniu de delles entidaes públiques y privaes.