Na sienda de la igualdá, de la mano del feminismu

El derechu a votar, a estudiar, a la non discriminación nel ámbitu llaboral, a caminar hacia la igualdá na vida pública y nos espacios de poder. Too esto son victories del feminismu, un movimientu que busca la equidá ente homes y muyeres y qu'entá tien un llargu camín por andar. Ehí ta la llucha contra les violencies machistes o llograr una imaxe axustada a la realidá de les muyeres nos medios de comunicación frente al sexismu qu'avecen a gastar.

De too esto se fala nesti programa d'El Ventilador, nel que se cuenta cola presencia de la conceyala de Xixón Sí Puede Nuria Rodríguez; Eva Irazu, activista feminista y LGTB en CGT y na Plataforma Feminista d'Asturies; Jessica Castaño, presidenta de la Asociación de Mujeres Separadas y Divorciadas de Asturias, Paula Pastor, militante feminista, y Eva Fernández, vicepresidenta de la Sociedad Cultural Gijonesa.

Too esto y un poco más n'El Ventilador: qué ye'l feminismu, qué retos tien per delantre, a qué se deben les fuertes resistencies que llevanta y, cómo no, l'allegría de tar nuna llucha a ganar, sí o sí. Porque nos va la xusticia, y la vida, nello.