Un Añu Nuevu faltu de mazcaráes d'Aguilandu

Estes cofradíes avecen dividise en dos bandos, ún de perfil positivu-lluminosu y otru de perfil negativu-escuru, representaciones del pasu ente'l tiempu vieyu del hibiernu y el nuevu qu'escampla col cambiu de ciclu. La garulla que van recoyendo de llar en llar les comparses, podíen significar una suerte de tributu qu'apurren los vecinos pa contentar a entrambes fuerces, les del mal y les del bien, afitando los augurios pa que l'añu seya propiciu. La subversión del orde convencional ye otru de los sentíos que suel relacionar estes celebraciones col periodu hasta'l que s'esparden, el del Antroxu, el fin del ciclu iniciáu col solsticiu d'inviernu. L'andancio dexó esti añu a los neños ensin cabalgates y ensin mazcaráes.