Caos na villa blanca con 'Vikingos 2035'

P. A. M. E. El sellu Radagast sigue apostando por abrir el so catálogu a xéneros poco cultivaos en llingua asturiana y asina lo amuesa'l so nuevu títulu: 'Vikingos 2035', d'Abel Martínez. Trátase d'una novela de ficción postapocalíptica que nos tresllada a una villa d'esa dómina caótica construida enriba los resclavos de l'antigua L.luarca. Una hestoria de supervivencia y acción, d'organización social nun mundu depués de la cayida de la civilización contemporánea y de munchu misteriu pa envolver al llector dende les sos primeres páxines dica'l final.