Arranca 'Yo doi la cara pola OFICIALIDÁ'

El Conceyu Abiertu pola Oficialidá presentó una campaña novedosa col oxetivu de llograr el reconocimientu de la oficialidá de la llingua na próxima reforma del Estatutu. La campaña 'Yo doi la cara pola OFICIALIDÁ' consiste na recoyida masiva y esposición de semeyes de persones que la sofiten.

CERTAME

Novedaes nos premios de l'ALLA

Los premios añales de l'Academia de la Llingua Asturiana tarán abiertos, dende esta edición, a la poesía y al cómic. La presidenta de la institución, Ana Cano, anunció estes novedaes nel actu d'entrega de los gallardones de 2007. El premiu de cómic, xurde pola iniciativa de delles persones venceyaes al mediu, que ficieron una propuesta a l'ALLA.

Música

Conciertu d'Esther Foseca n'Uviéu

La cantante asturiana Esther Fonseca protagoniza esti prósimu vienres día 13, un conciertu nel teatru Filarmónica d'Uviéu, onde interpretará dellos cancios de la so propuesta musical, orixinal y nueva n'Asturies: l'averamientu al mundu de la balada céltica y les nueves músiques. El conciertu entamará a partir de les ocho la tarde.

xuegu

Premiu del concursu 'Vas Velo' en Xixón

La Oficina Municipal de la Llingua de Xixón acaba presentar el xuegu ganador nel II Concursu «Vas Velo» (trebeyos pal aula), nel que participen los alumnos y alumnes d'Enseñanza Secundaria qu'estudien llingua asturiana. L'oxetivu d'esti concursu ye llograr materiales didáuticos, que seyan útiles pa fomentar la práutica oral y escrita.